موضوع: محفزات للاعبى الحديد وافكار تقتل الاحباط الجمعة 15 يوليو 2011, 1:32 pm
محفزات للاعبى الحديد وافكار تقتل الاحباط
محفزات تجعلك دائما نشيط وتريد التقدم فى اللعبه:
1 - النظر الى ابطال اللعبه ومافعلوا من انجازات والحلم فى تخطى مرحلة اللاعب المبتدىء
2 - النظر الى جسمك وهو يتقدم يوما بعد يوم ويزداد جمالا وتتذكر ماكنت عليه فى الماضى وما انت عليه الآن
3 - القراءه عن الرياضه ومعرفة الصح من الخطأ ومشاهدة فيديوهات تمارين المحترفين
4 - الحلم بانك تعمل جسم ضخم وجميل او حتى انك تكون بطل وازاى ساعتها الناس هتقدرك وتحترمك عشان اللى وصلتله والاراده اللى عندك
5 - الدخول على المنتدى وعلى قسم الاستفسارات والرد على من يحتاج الى مساعده وايضا تنصح الناس اللى فى الجيم لو لقيت حد مثلا بيلعب تمرين غلط
والآن جاء دور الافكار التى من خلالها تستطيع قتل الاحباط بداخلك: 1 -البرود : اذا جاء يوما ولقيت ابوك بيقولك يابنى هتستفاد ايه من ده كله انت فاكر انك هتبقى بطل كان غيرك اشطر ... كبر دماغك ولا كأنك سمعت حاجه
2 - تحط هدف قدامك واى كلام يتقال كأنك مش سامعه ومتغيرش هدفك مهما حصل استمرررر
3 - اذا حاول احد اصدقائك التقليل من شأنك ويقولك ولا ليه لزمه اللى انت بتعمله كل يوم ده لو انت استمريت وجسمك بقى احسن هتلاقيه هو كمان راح معاك الجيم لما يلاقى جسمك اتغير هيقول ليه انا كمان معملش كده
4 - مهما كنت محبط اهتم بالتغذيه اوعى تهملها فى وقت الاحباط لانك لما تاكل وجبه حلوه وتلاقى جسمك شد هتتشجع من تانى وتكمل
5 - حتى لو معكش فلوس تجيب مكمل كل اى حاجه الاكلات العاديه اللى فى البيت بيض وفول ومكرونه وبطاطس وكل كتير وهتلاقى نتايج كويسه طول مانت مهتم وعندك هدف ولكن قلة الامكانيات عندك مش مساعده اوعى تتخلى عن الاراده هى الاساس وتقدر تتغلب بيها على اى حاجه وممكن بأقل الامكانيات تلاقى نتايج هايله لان كان عندك اراده وعزيمه ومفيش حد بيتعب الا وبيلاقى نتايج لتعبه
serag omar badawi مشرف تحت الاختبار
معلومات العضو
موضوع: رد: محفزات للاعبى الحديد وافكار تقتل الاحباط الأربعاء 09 نوفمبر 2011, 9:22 am
موضوع: محفزات للاعبى الحديد وافكار تقتل الاحباط 
الجمعة 15 يوليو 2011, 1:32 pm
