السلام عليكم ورحمة الله
مقادير عجينة التارت:
2 كوب دقيق
قطعة زبدة هتبقى 100 جرام(بحرارة الغرفة)
بيضة
ربع كوب سكر
رشة فانيليا
ذرة ملح
مقادير صوص الكراميل:
كوب سكر
ربع كوب مياه
كوب كريمة لبانى
قطعة زبدة
مقادير الجناش:
2 كوب شيكولاته مبشورة
كوب كريمة لبانى
للتزيين:كريم شانتيه او حسب الرغبة
اول حاجة هنعمل العجينة
هنجيب بولا نحط فيها السكر والزبدة
 | اضغطي هنا لمشاهدة الصورة بحجمها الأصلي |
هنضربهم بالمضرب لغاية مايبقى القوام كريمى والزبدة مع السكر حجمهم يتضاعف
| اضغطي هنا لمشاهدة الصورة بحجمها الأصلي |
هنحط عليهم بقية المكونات البيضة والدقيق والفانيليا والملح
| اضغطي هنا لمشاهدة الصورة بحجمها الأصلي |
هنضربهم بالمضرب هتكون العجينة زى حبات الرمل
| اضغطي هنا لمشاهدة الصورة بحجمها الأصلي |
هنلم العجينة بايدينا ونحاول نخليها كورة واحدة
| اضغطي هنا لمشاهدة الصورة بحجمها الأصلي |
هنغلفها ونحطها فى التلاجة لمدة ساعة
ولما نطلعها الطريقة الوحيدة لفردها بين ورقتين زبدة لأن طبيعة العجينة مفرولة
ونحاول نحطها فى صينية التارت من غير ماتتكسر
ونشكلها فى الصينية كويس ونشيل الزيادات
| اضغطي هنا لمشاهدة الصورة بحجمها الأصلي |
جبت ورق زبدة وورق فويل وحطيت جواه حبوب وحطيته فوق العجينة عشان العجينة مترتفعش فى الفرن وهقولكم ملاحظاتى ع الموضوع ده
| اضغطي هنا لمشاهدة الصورة بحجمها الأصلي |
دخلتها فرن الكهربا على حرارة 200
الحواف احمرت فطلعت الصينية بس لقيت العجينة تحت الفويل مستوتش كويس
فخرمتها بالشوكة ودخلتها تانى وطلعتها لقتها استوت بالكامل
ومتخافوش مطلعتش لفوق
سبتها تبرد وابتديت اعمل صوص الكراميل
حطيت كوباية السكر على النار لغاية ماساح حطيت عليه المياه بسرعة قبل ماالسكر يتكتل
بعد كده حطيت عليهم قطعة الزبدة
| اضغطي هنا لمشاهدة الصورة بحجمها الأصلي |
ولما الزبدة ساحت بالكامل حطيت عليهم الكريمة اللبانى
قلبتهم وسبتهم يغلو على النار عشان الصوص يتقل
| اضغطي هنا لمشاهدة الصورة بحجمها الأصلي |
سبتهم يبردو شوية وبعد كده حطتهم على التارت
| اضغطي هنا لمشاهدة الصورة بحجمها الأصلي |
دخلته التلاجة لمدة ساعة وابتديت اعمل الجناش
بشرت شيكولاته خام وحطيت عليها الكريمة
| اضغطي هنا لمشاهدة الصورة بحجمها الأصلي |
شغلت عليهم النار لغاية مالشيكولاته ساحت
| اضغطي هنا لمشاهدة الصورة بحجمها الأصلي |
ملحوظة:يستحسن تحطى الشيكولاته بالتدريج
وطبعا الجناش كان بيلمع وقوامه كويس مكانش محتاج زبدة او اى مادة دهنية
طلعت التارت من التلاجة وحطيت الجناش على الكراميل
| اضغطي هنا لمشاهدة الصورة بحجمها الأصلي |
قلبت الجناش مع الكراميل
ودخلته الفريزر عشان كنت مستعجلة وعايزة ازينه بس طبعا العادى انه يتحط فى التلاجة
وطلعته وعملت وردات بسيطة بالكريم شانتيه
| اضغطي هنا لمشاهدة الصورة بحجمها الأصلي |
| اضغطي هنا لمشاهدة الصورة بحجمها الأصلي |
وبالهنا والشفا عليكم
موضوع: تارت الجناش والكراميل بالصور 
الخميس 07 فبراير 2013, 7:57 pm
