كلام حلو أوى بس تفتكرو كام واحده هنا ممكن تكون بتقول الكلام ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بعد كل اللى بنقراه فى مشاكل المحتاره ده يا بناااااااات بجد أنا بقرأ حاجات لا تحتمل.....يبقو مخطوبين ويعمل فيها حاجات جامده جداااا ولا تغتفر وهى تلاقيها كاتبه ساعدونى أرجعله تانى أنا معرفش أعيش من غيره ده هو كل حاجه بالنسبه ليا ده الهوا اللى بتنفسه....وده... وده.... ايه هو فى ايه!!!!!!!! لو أنتى معملتيش لنفسك كرامه...مين هيعملهالك وأنتى سايبه نفسك كده يعمل معاكى ما بداله.......
يبقى راح حب عليها مره واتنين ويخلى بنات يكلموها وهو يبقى عامل مكامه جماعيه ومش عارف ايه؟؟؟؟؟؟؟؟؟؟ وهى عادى خالص تقولك أصله جاى يقولى أنا ندمان وأعتذر ويروح تانى يعمل كل اللى هو عايزه وهى ولا ليها أى أعتبار عنده وهو بيعمل كده علشان عارف أنه مهما يعمل هيرجع للأحتياطى اللى مركونه على دكه البدلاء وهى هترجع عااادى وكأن شيئا لم يكن وليه علشاااااااااان مقدرش أعيش من غيره ودا طبعا غير البنت اللى بتتصل بيه 50 مره وهو قافل التليفون فى وشها أو مفتوح وبيردش وسابها على كده فتره طويله وفى الاخر تقولك أتصلت بيه أصل حسيت أنه فيه حاجه أو أنه تعبان مقدرتش أستحمل...أتصلت ولقيته كويس الحمد لله
وده كله كوووووم والبنات بقى اللى ميبقاش رابطها بالشخص ده أى حاجه وتقولك ساعدونى أرجع لحبيبى حبيبك ده مين يعنى يا حجه؟؟؟ خطيبك أو زوجك لالالا ده لسه مفيش بينا حاجه هو لسه مستنى بس ظروفه تتحسن وهييجى يتقدملى علطول وتيجو تسمعو المشاكل تلاقيها يعنى ده معلش سورى فى اللفظ ده ماسح بيها الأرض..طيب أنتى يعنى مستحمله حبيبك ده بناءا على ايه؟؟؟؟؟؟؟؟؟؟؟؟
يا أختى فى الله أنتى هدفك ايه من فتره الخطوبه دى تختبرى الشخص اللى ربنا رزقك بيه علشان تعرفى هو ده الزوج التقى اللى هيراعى ربنا فى معاملتك وهيتقى الله فيكى وهساعدك على تكوين أسره صالحه أو لأ ولقتيه بيعمل معاكى كل ده وحاجات محدش يستحملها ده أنا وأنا بقراها أعصابى بتتعب ودمى بيبقى محروق أنتى بقى أحساسك ايه وأنتى اللى بيتعمل فيكى كل ده يبقى ساعتها تستعينى كده بالله وتقفى واقفه مع نفسك وتشوفى هل هو ده اللى مكن يعينى وياخد بأيدى علشان نعلى سوااااا أو على الأقل هو اللى هيعليكى أكيد الأجابه هتبقى لأ......يبقى ساعتها تستعوضى ربنا على الفتره اللى ضاعت من عمرك دى وتطلبى زوج صالح بنيه صادقه منك على تكوين أسره صالحه مسلمه....وربنا هيرزقك بأحسن منه ألف مره طالما هى دى نيتك ومتبقيش خايفه على حبك ليه أكتر ما أنتى خايفه على نفسك منه راضيه على نفسك الظلم وقابلاه وبعد كده تقولى ياريت اللى جرا ما كااان.....أتمنى أن كلامى ده يقرااااه العضوات اللى قريت ليهم مواضيع بالشكل ده ويستفادو منه وياريت يبقى شعارك فى الحياه *أنا لؤلؤه مصونه واللى ميصونيش ميلزمنيش*
وياريت البنات اللى بتقولك ده حبيبى ومش عارف ايه ياريت بقى تفوق شويه ومفيش حاجه أسمها حبيبى دى غير لما يكون فى الحلال كل حاجه طعمها بيبقى أحسن بكتيييير ومن تعجل الشىء قبل أوانه عوقب بحرمانه...أنتى بتاخدى حاجه مش من حقك ومستعجله عليها...يبقى هتتحرمى منها ومن غيرها وبرده حافظى على نفسك أكتر من كده
يارييييييت أكون قدرت أوضح فكرتى وياريت التقييم لو الموضوع يستحق
أختكم فى الله
أيوه لسه ليك مكان فى قلبى...بس مش واقفه عليك سنينى
موضوع: أيوه لسه ليك مكان فى قلبى...بس مش واقفه عليك سنينى 
الخميس 04 نوفمبر 2010, 7:11 pm
