وربي عجينه زي القطن اذا طبقتيها بالتمام والله روعه للامانه انا اخدت الطريقه من منتدى
ولحد اليوم وانا ادعي لصاحبتها بالتوفيق
العجينه من زمان جدا وانا معتمدتها ولله الحمد ولاعمري سويتها الا يسالوني جاهزه او شغل البيت



نجي للمقادير

نضع بخلاط الكاس المقادير التاليه :
فنجال قهوه حليب ناشف .. ( نيدو او اي شركه ثانيه )
فنجال قهوه سكر
فنجال شاي زيت
كاس ماء
ذرة ملح
ملعقه ونص خميره .. ( ملعقة الاكل )





نخلطها بالخلاط زين






بعدين نصبها في وعاء العجن ( قدر او اي وعاء تستخدميه )

ونضيف عليها كاسين وربع دقيق ( طحين ) اي نوع تفضليه





بالنسبه لي استخدم الكويتي






وابداي بعملية العجن
اعجنيها بكل قوه خلي الهواء يدخلها
لمدة 10 دقائق تقريبا
شيليها من فوق لتحت بالقدر واضربي فيها بقووووه
بتلاحظي انها تخمرت بيدك شي بسيط





بعدها غطيها زيين وحطيها بمكان دافي مدة ساعه الى ساعتين


ملاحظات مهمه لنجاح العجينه :

1- لازم يكون الدقيق والخميره بحرارة الغرفه يعني مايكونوا باردين ابدا
2- الماء المستخدم بالعجن يكون دافي لاحار ولابارد
3- اذا حسيتي العجينه لينه مره وانتي تعجني فيك تضيفي شوي دقيق ..
4- غطي العجينه ولفيها بفوطه ( منشفه ) واتركيها بمكان دافي ( دولاب او اي مكان اخر )
5- عند فرد العجينه لازم تنثري دقيق قبل على مكان الفرد وتحطي العجينه وتنثري فوقها ايضا دقيق وبعدها تبدي بالفرد

الحين اصبحت العجينه جاهزه معاك
سوي اللي تبين

بيتزا صغير
افردي العجينه وقطعيها بالكاس قطع متساويه






رصيها بالصينيه واتركيها شوي لين تنتفش






واضيفي عليها لمساتك زي ماتحبي
بالنسبه لي دهنتها كاتشاب
بعدين مفروم دجاج مستوي من قبل
بعدها فليفله وبصل وزيتون وجبن موزريلا


(( ليصلك كل
جديد أرسل الرقم
1 الى - 81428 للإتصالات
السعودية - 601428 لموبايلي - 701428
زين ))






وحمريها










وهنا قرون الفلفل
فرغي الفلفل من حبوبه واحشيه اي حشوه تحبينها بعدين افردي العجينه وقطعيها خطوط طويله ولفيها على الفلفل زي الاقماع بالضبط






وهنا فطاير بالجبن







وهذي الفطاير المعتاده

احشيها باللي تحبين






وحمريها





وطبعا تتفرزر عادي انا افرشها قبل بصينيه بعد ماتستوي واخليها 10 دقايق بالفريزر تبرد بعدين اطلعها واعلبها
هنا بالعلبه واغطيها وعلى الفريزر







وبس ابيها اطلعها وعلى الميكرويف دقيقتين او اطلعها قبل ب6 ساعات وتطلع كانك توك مسووويتها

تسلم ايدك
موضوع غاية فى الروعة والجمال