على فكرة فى حاجات كتييرة اوى بتفرحكـ بس انت مش بتاخد بالك
منها !! زى

اما تساعد حد كبير و يجى يدعيلك من قلبه * روح ربنا يسترك يابنى *



اما تنجح و تفرّح باباك و ماماتك و يبقوا فخورين بيك ويقولولك * ربنا يديمها عليك *

اما تكون ناسى يوم عيد ميلادكـ و تلاقى مسج من صاحبكـ بيقولك * كان يوم اسود يوم ما جيت * :D

اما تحب اول مرة و قلبك يدق و اما تكبر تفتكر حبكـ دا و تترسمـ على وشك بسمه اشتياق !!

اما تبقى نايم و الجو برد و مش قادر تنادى على حد يغطيك و تتفاجىء بأبوكـ جه يغطيكـ و يبوسك من جبينك

اما تكون ماشى لوحدك كدا و تلاقى الدنيا بتمطر و تقابل صحابك و تقعدو تجرو ولا كأنكو اطفال

كل كلمه كل فعل كل حركه بتفرحكـ امسك فيها و اتشعبط على بابها
متقولش الدنيا جاية عليا ولا انا فرحى فى الدنيا قليل !!

نصيب كل واحد متشال له محدش هياخد نصيبك غيرك انت

و اقولك على حاجه ؟؟!!

اما قريت كل موقف من الى فوق دول حطيته فى دماغك و رسمته و ضحكت ضحكه لا اراديه كدا :D

و على فكرة انتا شكلكـ بالضحكه زى العسل ما تكشرش بقا :