قصيدة حزن عندي شكثر يامن تضحكون
حزن عندي شكثر يامن تضحكون
وكلب عندي بسببكم جود معيوب
مو مثلي تون الخنسا عل راح
ءو لا مثلي عله يوسف ناح يعقوب
ما شفت الفرح يوم وتهنيت
تعبني الحزن وبكصتي مكتوب
واذا أيوب فزعتله النبوات
أنه بغير النبوه وصرت أيوب
شنو ذنبه الشمع من تنذر الناس
أهي تحصِل مراد وهو يذوب
وشنو ذنبه اليحبك يسهر ليل
اذا عنده كلب ما يقبل يتوب
صح السيف انت وتجرح ادريك
لجن كلهه ودفنتك تحت الهدوب
وشتلتك عود ياس بجرح الايام
وكلت باجر تطك وتعطر الدروب
ومن عودك كبر بينت زين
مو ياس اطلعت يا حيف خرنوب
ماغزر تعب..... ما هزك الشوك
خالي من الوفه ولا عندك الدوب
لجن بيه الذنب حيل وبعد حيل
شلون ابني قصر والساس مرطوب
موضوع: قصيدة حزن عندي شكثر يامن تضحكون 
الخميس 12 يوليو 2012, 8:15 am
