[size=18]
هحاكم نفسي لأن بجد من نفسي أنا زعلان
هحاكم نفسي و أنا القاضي و أنا الشاهد و أنا الإنسان
هحاكم نفسي عن الماضي و عن بكرة وعن الأيام
هحاكم نفسي و لو غلطان أنا اتاسف لنفسي كمان
نص المحاكمة من سؤال وجواب قاضي هيحكم و المتهم إنسان
بعد الدفاع حكم الحياة هيصدر ولا عارف أنا المظلوم و لامدان
أول سؤال . هسأل لنفسي سؤال غريب عن ماضي فات قلب أتقفل بعد إما كان نبض الحياة
كانت الاجابة اغرب كتير من السؤال مش أي حب يرضي قلبي و السلام
مستني قلب من عالم الأحلام قلب أتولد في زمن غير الزمان يمكن يكون هارب من الأحزان
تاني سؤال . ليه بالذنوب فاعل و بالإيمان مليان؟!!
كانت الاجابة اني بشر وفي النهاية إنسان
تالت سؤال . شايف بعينك ظلم في كل مكان أطفال تموت و إنسان يتهان
كانت الاجابة قتلوا قلوبنا وده كان من زمان قتلوا الضمير جوانا قتلوا فينا الإنسان
لكن مسيرنا هنصرخ وصوت الحق يبان نرجع بشر قبل قدوم الطوفان
رابع سؤال . حلمك بيبعد كل يوم لبعيد و انت في مكانك واقف من زمان
لسة النهاردة الحلم باين ليك مع الايام الحلم مش هيبان
كانت الاجابة أنا خايف من الايام ومن بكرة و من الأحلام متبقاش من الأحلام
غير ذكرى تموت قدام ,و على نفسي أنا خايف و من نفسي أخاف أتهان
أخر سؤال شايف نفسك برئ ولا مدان ممكن تجاوب ولا تخاف تتهان ؟
اثبت إدانته رفض الاجابة عن السؤال صرح بذنبه و أتمنى يرجع طفل زي زمان
بعد الدفاع حكم الحياة ظهر ببراءة الإنسان و ادانة ظروف الحياة في كل زمان و مكان لأنها من غيرت صورة الإنســــــــــــــــان .
موضوع: محاكمه انساااااااااااااااااااان 
الإثنين 23 أبريل 2012, 10:39 pm
