موضوع: شاب مصرى بيحلم الجمعة 18 نوفمبر 2011, 3:19 pm
يـاحــكـــومـــة خنقتينا وحالنا هو حالنا لا شوفنا يوم ابيض ولا يوم ارتاح بالنا عايزين رغيف عيش مش اكتر واوضه وصاله والعيله تكبر هو انتو بشر ولا ديابة احنا فى عمار ولا فى غابة ليه انتو دايماً عصابة دا شعب مصر كله غلابة ياعالم نفسى مره نخاصم الناموس ونعيش نتهنى وفى جيبنا فلوس احترت واحتار دليلى مش لاقى مرسى وعلم ولا لاقى نهار لليلى ولا لاقى حتى القلم اللى يكتب اهاتى وويلى معلقنى وراضى ومشعقلنى وراضى وزمن يفوت و ماضى واجى اشتكى يقولولى
ياعم فكك...بينا المحاكم والقواضى م الخنقه خلاص تعبت وعقلى خلاص هيطير تعبت ياعالم كفايه وخسيت من التفكير ياحكومه نصابه وحرميه سياستكوا سياسه بتقليه ان كان ربنا ابتلاكم بينا استحملونا اهو احنا زى عيالكوا
وان كنا احنا المبتلين بيكوا مش هنستحملكوا وهنديكوا فى سنانكوا
علمتونا وكبرتونا فى المدارس وسيبتونا فأخرها نضرب سبارس خلى عندكوا دم خنقتونا مش قد المسئوليه ما تسيبونا مشفناش معاكوا هنا ولا فرح ويوم عن يوم تضغطوا عالجرح وزير يقول ورئيس يقول وطول السنه نستورد قمح هو انتو ليه فى العيشه بتكرهونى ليه عايزنها كوسه وبنبونى
موضوع: شاب مصرى بيحلم 
الجمعة 18 نوفمبر 2011, 3:19 pm
