لحل مشاكل الالعاب تم عمل هذا الموضوع ويشمل جزئين

1- طرية تشغيل الألعاب بمختلف انواعها



2- حل لأشهر المشاكل اللي بتقابل الكثير من لأعضاء



أولا : طريقة تشغيل الألعاب .

لتسطيب الألعاب فيه نوعين من الألعاب

1 - الألعاب الفل ريب ( Full Ripped ) او الريب

2 - الألعاب الأيسو





1 - الألعاب الفل ريب

دي اسهل الألعاب من حيث طريقة التسطيب .. لانها بتبقى تقريبا بورتابل ولكن مضغوطة ببرامج ضغط معينة

وبيكون تسطيبها عن طريق ملف الباتش الموجود مع اللعبة زي ( setup.bat - Unpack.bat - install.bat )

وبيتم الضغط عليه فقط والانتظار حتى يتم الأنتهاء من التسطيب وبعدها تبدأ اللعبة مباشرة

مثلا زي الصورة هذا





وشاشة التسطيب بتكون هكذا

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 668 * 337.

اعتقد النوع ده من الألعاب مفيش اي مشاكل فيه




2 - الألعاب الفل ايسو

الألعاب دي بتكون موجودة على صور كتيرة

يعني ممكن تلاقيها مكتوبة ( Full Iso - Reloaded - Repack .... )

كل الصور دي للالعاب بتبقى ايسو وبتتسطب ببرامج اسطوانات وهمية .. أفضلهم في رايي Power Iso

وده لينك البرنامج Power Iso 4.4 ممكن تحمله من هنــــا

عشان تسطب الالعاب هذا لازم يكون البرنامج متسطب

ملحوظة هامة جداااا : وانت بتسطب البرنامج ده تاخد بالك من الخطوة دي



لازم تعلم على كل الإمتدادت عشان فيه العاب امتداها iso وفيه العاب امتدادها مثلا Bin

فعشان ميحصلش اي مشاكل بعد كده لازم تحددو كل الامتدادت

وطريقة تسطيب اللعبة بالباور ايسو سهلة جدا

1- بتضغط كليك يمين على الملف الايسو او البين اللي عندك ( الناتج من فك الضغط )

2- تعمل زي الصورة هده







3- هتلاقي اللعبة اما انها فتحتلك اوتوماتيك فولدر اللعبة اللي فيها ايكونة التسطيب .. او اللعبة انضافت في محركت

الاسطوانات الوهمية اللي موجود في My Computer جمب البارتشنات بتاعتك وفي الحالتين تقدر تفتح فولدر اللعبة

وتبدأ التسطيب وعادة مابيكون ملف التسطيب بالاسم ده setup.exe

4 - الخطوة دي مش دايما بس في معظم الألعاب الايسو بتكون موجودة .. وهيه نقل الكراك

والكراك بيكون موجود بردو في فولدر اللعبة اللي طلعلك وسطبت منه اللعبة وطبعا بيبقى مشار ليه في الموضوع



كود:
فيه
العاب بتبقى معمولة على أكتر من ملف أيسو او أكتر من ملف بينالتسطيب بيكون
بنفس الطريقة بس بتحرق الملف الاول وتدخل عادي تبدأ التسطيب لحد مايطلب
منك الملف التانيمتكنسلش التسطيب .. تسيبه وتروح تعمل كليك يمين على الملف
التاني وتشغله بالباور ايسو وترجع للتسطيبتدوس اوكىوكما ن بنفس الطريقة لو
اكتر من ملفين






واتمنى من أي عضو قبل مايحمل أي لعبة يقرا متطلبات التشغيل

ولما يحملها يسطبها بالطريقة اللي اللي موضحه في الموضوع

وكمان يحمل البرامج المرفقة مع اللعبة في الموضوع





نأتي لأشهر المشاكل ..

1 - الشاشة السودا او الخروج من اللعبة وظهور رسالة Dont Send

للاسف المشكلة دي بتبقى لاكتر من سبب

* اما اللعبة نفسها مش سليمة او ناقصة ملفات

* او اللعبة بتحتاج امكانيات اعلى من كارت الشاشة

* او الويندوز فيه مشكلة



2- ظهور الرسالة هده



كود:
the aplication not installed coreectly or not installed .. reinstall it to solve the problem



الرسالة هده معناها ان اللعبة محتاجة ملف الريجستري عشان تشتغل وبيبقى موجود في فولدر اللعبة

وعادة مابيكون بالاسم ده reg.reg

وسبب الرسالة دي .. ان اللعبة مش متسطبة على الجهاز ده او منقولة وهيه متسطبة جاهزة وفي كل الاحوال

الرسالة دي مش مشكلة لان حلها بسيط وبيكون موجود مع ملفات اللعبة







- المشكلة الأشهر بين الأعضاء وهيه نقص ملفات في اللعبة مثلا زي dx3dx_31.dll

أحب اوضح ان المشكلة دي مبتبقاش عيب من اللعبة ولا هيه نقص ملفات ولا حاجة

دي بتبقى نقص ملفات Dll في الويندوز

وليها أكتر من حل وحلولها سهلة جدااا

1 - تسطيب اصدار مناسب من الدايركت اكس Dirext X

2 - الحصول على الملف اللي ناقص ونسخه في ملفت الويندوز في المسار ده :: C:/ Windows / System32

عشان كده انا جمعت كل ملفات ال Dll في ملف واحد مضغوطين من 65 ميجا الى 20 ميجا

واي حد تقابلة المشكلة دي ينزل الملف ده وينسخ الملفات اللي طلعتله في المسار اللي وضحته

لتحميل معظم ملفات ال Dll من هنــــــــا





4 - ظهور رسالة في مضمونها ان physics loader مش متسطب او مش مدعوم

وطبعا الحل بيكون بتسطيب برنامج Agia Physics اللي بيكون موجود في الموضوع وكمان البرنامج ده

بيحسن أداء الألعاب لحد كبير وبيوضح الجرافيك بتاعها بصورة كبيرة






5- مشكلة فك الضغط للملفات

المشكلة دي ليها أكتر من سبب هذكرهم بالترتيب وعلى كل عضو يتأكد من الأسباب دي وكله هيبقى تمام

1 - سيرفر التحميل اللي بتحمل منه ممكن اتلف الملف المضغوط خصوصا الميديا فاير

2- ايقاف التحميل اكتر من مرة أثناء التحميل ده في حد ذاته يتلف الملفات المضغوطة

3 - برنامج الوين رار نفسه مش سليم علشان كده ياريت تحملو أحدث اصدارت الوين رار

4 - مشكلة في الويندوز نفسه

ده طبعا بإهمال ان ممكن تكون اللعبة نفسها فيها مشكلة في فك الضغط لانها طالما اتراجعت تبقى سليمة

اي عضو تقابله المشكلة دي يحاول يعرف المشكلة من اي ملف ويحمله تاني ومن سيرفر غير اللي حمله منه

وده طبعا بعد تغيير اصدار الوين رار