فقد الدهون و التنشيف والفرق بينهم ،فقد الدهون و التنشيف والفرق بينهم


فقد الدهون و التنشيف والفرق بينهم

هنتكلم إنهارده ايه الفرق بين اني أخسس وبين أني أنشف ؟

بشكل مختصر أنك تفقد الدهون من جسمك أنت أسمك بتخسس
لكن التنشيف بيبدأ أولى مراحله بعد الأنتهاء من مرحلة التخسيس

بمعنى ؟!
أن في ناس بمجرد اول ما بتبدأ تعمل رجيم بتقول أنا بنشف جسمي !
نقول له لألألأ لسه بدري انك توصل للمرحلة دي لأن زي ما قلنا التنشيف بيكون بعد الأنتهاء من مرحلة فقدان الدهون.

المتخصصين لما قسموا مراحل فقدان الدهون صنفوها كالأتي (بالنسبة للرجال):
Obese وده لما بتكون النسبة فوق ال 25% وده الشخص البدين او السمين
Acceptable ما بين 18 الى 25% وده اللي بنقول عليه مليان سنة مع العلم بأن بعد نسبة 20% بتبدأ أحتمال الأصابة بلأمراض لا قدر الله
Fitness من 14 الى 17% ودي كلنا عارفنها اللي بنشوفه من فوق الهدوم نقول عليه دا واد رياضي بس من فوق هلاهلا ومن تحت يعلم الله :)
Athletes من 6 الى 13% ودي النسبة اللي بيبدأ عندها أول مراحل التنشيف

يبقى لما توصل لنسبة 14% يبقى انت كده اسمك فقدت الدهون اللي تبدأ بعدها تدخل في أولى مراحل التنشيف..

أشارات وعلامات تدل أنك ماشي صح :
أعرف منين اني بدأت فعلاً أنشف جسمي ؟
أولاً زي ما قلنا أولاً عن طريق نسبة قياس الدهون وإنها تكون بدأت تقل عن 14%
ثانياً ظهور تفاصيل ومعالم بعض الأماكن في الجسم ودي نقطة مهمة جداً
زي ايه الأماكن دي ؟

• 1: زي بدأ ظهور عضلات البطن
  

• 2: زي بدأ ظهور معالم التجويف الجانبي للقفص
  الصدري بمعنى انك لو رفعت دراعك لفوق جامد وبصيت أسفل يمين او شمال منطقة
  البنش تلاقي ان ملامح القفص الصدري بدأت في الظهور
  

مثال:

• 3: زي أختفاء الدهون ما بين أول عضلة الباي
  وأخر الساعد بمعنى انك لما بتشد الباي بتلاقي في منطقة ألتقاء الباي
  بالساعد في حتة دهون صغيره وبدأ اختفاء الدهون دي يشير الى انك ماشي صح في
  التنشيف
  

مثال:

• 4: زي بدأ ظهور العروق في أماكن مكنش ظاهر فيها عروق قبل كده ، يعني مثلاً في منطقة الساعد او على الكتف او اسفل البطن او الرقبة ألخ
  

• 5: زي ظهور تفاصيل التراي
  

الخمس أشياء دول إن بدأوا في الظهور فأعلم أنك دخلت في مرحلة التنشيف

طيب أقصى مرحلة من التنشيف ممكن الأنسان الطبيعي يوصل لها ايه هي ؟
طبيعي بنسبة لا تقل عن 8%
وعن طريق المنشطات بنسبة لا تقل عن 4%

أنا عارف ان الناس دلوقتي بتقول حرام عليك 8% دي نجبها ازاي طبيعي ؟
وده الجانب التاني من الموضوع بتاعنا


أولاً اعرف ان ده هياخد منك وقت كبير ومجهود أكبر
وهنمشي بلأسلوب المطروح من قبل في فقد الدهون عادي جداً الى ان نصل لنسبة 14 او 13% دهون
ساعتها هتلاقي نفسك بتشد في شعرك ومش عارف تنزل وزنك اكتر من كده

يجي هنا بقى الكلام الجديد وهو اني ازاي اتخلص من 4 أو 5% الأخيرة في الدهون ؟
هتدخل في نظام غذائي يجب تطبيقة بدقة عالية لأن اي اختلاف فيه ممكن يسبب اي مضاعفات
والأنظمة دي بيتبعوها بعض الناس اللي بتدخل بطولات وبيكون قبل البطولة
بيومين او تلاته عنده زيادة عن الميزان بتاعه بحوالي 3 او 4 كيلو والوقت زي
ما قلنا بيكون ديق معاه فبيطر انه ينفذ البرامج الغذائية دي.

وهي ما تسمى بأنظمة الرجيم الكميائية ..
وعشان ابقى أخليت مسؤليتي امام
الله عز وجل زي ما قلت النظام ده بيكون في اخر مراحل فقد الدهون حتى تتخلص
من 4 او 5 كيلو اللي نقصين ومش عايزين ينزلوا بالعافية ويجب تطبيقة بدقة
وألتزام
واي حد هيستعمل الرجيم ده لأي سبب تاني فأنا غير مسؤل عن النتائج بتاعته

أولاً قبل الدخول في الرجيم في بعض الأمور يجب مراعاتها/
1: ميكنش عندك اي مشاكل في اي جهاز زي القلب او التنفس او الكلي او الكبد
2: فترة الرجيم لا تزيد عن 5 ايام واكرر 5 ايام
3: هتمارس حياتك الطبيعية عادي جداً يعني مش عشان بتعمل رجيم كميائي فتقول انا اقعد في البيت
4: خلال فترة الرجيم لازم تمشي كل يوم مش اقل من ساعة
5: خلال فترة الرجيم هتروح الجيم عادي ولكن مع مراعاة انك هتسخن بس او زي
ما بنقول هتجمع يعني هتلعب تمرينة واحدة لكل عضلة و ثلاث ايام فقط خلال
فترة الرجيم يعني خلال ال 5 ايام هتتمرن 3 ايام بس تجمع فيهم
6: هتشتري من الصيديلة الحاجات اللي هقول لك عليها
*هتشتري اولاً اقراص خميرة بتكون ب 6 جنيه وهتاخد قرصين قبل كل وجبة بنص ساعة
*هتشتري فيتامين اسمه "سرجران اس تركيبة الأجهاد" العلبة ب 10 جنيه وهتاخد قرص واحد كل يوم بعد الوجبة الثالثة مباشرة
7: وجباتك هتبقى 4 وجبات بس في اليوم

بعد مرور الخمس ايام لو طبقت الرجيم زي ما ورد بالظبط المفترض ان معدل
انخفاض الوزن هيكون بين 5 الى 6 كيلو وده هيعتبر انجاز هينقلك من شكل لشكل
تاني..

أنظمة الرجيم الكميائي خطر/
هي خطر فعلاً لو تم الأستمرار عليها لأزيد من المدة المحددة او انه تم تكرار الرجيم على فترات متقاربة
يعني لو طبقت الرجيم الكميائي مرة كل سنة مفيش مشكلة ان شاء الله بس المهم متزدش مدة الرجيم عن 5 ايام