ماسك الترمس 2013 , ماسك الردة 2014

حصريا على منتديات كراكيب تقدر تتابع اجدد تسريحات الشعر وطرق العناية بالبشرة
وتعرف ايه احدث صبغات الشعر واخر صيحة الميك اب , كل ماتتمناه هتلاقيه عندنا
لمذيد من طرق العناية بالبشرة والتسريحات الجديدة تقدر تدخل قسم التسريحات والعناية بالبشرة على منتديات كراكيب
من هنـأ‘إ ~~~> تسريحات الشعر - العناية بالبشرة - المكياج - الميك اب - صبغات الشعر


ماسك الترمس والردة لبشرة صافية
بنات كتير نفسها بشرتها تبقى صافية وناعمة وفيها نضارة، وماسك الترمس اللي هنعمله النهارده من أكتر الماسكات المفيدة للبشرة؛ لأنه بيديها نضارة ونعومة، وبيخلّيها رايقة جداً لكن مع المواظبة عليه، والماسك ده مناسب لكل أنواع البشرة سواء كانت بشرة الوجه أو الجسم.
وفيه قاعدة مهمة جداً في عالم التجميل؛ وهي إن الماسك اللي بيُستخدم للبشرة ينفع نستخدمه للجسم، لكن مش كل الماسكات اللي بنستخدمها للجسم ينفع إننا نستخدمه لبشرة الوجه.

وماسك الترمس بنستخدمه بعد الحمام أو بعد ما نغسل وشنا كويس أوي؛ لأنه بيحتاج لمسام مفتوحة.

ومكوّنات الماسك بسيطة جداً؛ وهي عبارة عن:

    ملعقة كبيرة ترمس مطحون
    ملعقة كبيرة ردة
    ملعقة كبيرة عسل أبيض
    1/2 ملعقة زيت ورد
    مية ساخنة للعجن



الطريقة:
هنقلّب المكوّنات كلها مع بعض كويس، وبنعجنهم بمية سخنة علشان تفوّح ريحة زيت الورد، وكمان تفتت كل الحبيبات اللي موجودة في الماسك، ولازم أراعي إن العجينة تكون لينة ومتماسكة؛ علشان أقدر أفردها على البشرة بسهولة.

بعد كده بنبدأ نفرد الماسك على البشرة في الاتجاه من تحت لفوق علشان نفَتَّح مسام البشرة، وبنبدأ نضغط برفق على الحبوب الصغيرة الموجودة على بشرتنا، وطبعاً مابننساش منطقة الرقبة.

وبنسيب الماسك على بشرتنا لمدة من 20 دقيقة لساعة، وبعد كده نغسل وشنا كويس.

فيه حاجات كمان ممكن نعملها للبشرة اللي بيظهر عليها حبوب صغيرة؛ زي إننا نستخدم صابون بيحتوي على طمي البحر الميت، ونغسل به بشرتنا 3 مرات في اليوم في الشهر الأوّل، وممكن نعمل ماسك مكوّن من الزبادي والعسل ونقطتين عصير ليمون، ونسيبه على بشرتنا لمدة ساعة يومياً لمدة أسبوع، وبعد كده ممكن نعمله مرتين في الأسبوع.