كلمات اغنية اولتراس وايت نايتس حكاية ثورة

حصريا على منتديات سنيبر دوت كوم تقدر تتابع كل كلمات الاغانى
وتعرف ايه احدث كلمات الاغانى , كل ماتتمناه هتلاقيه عندنا
لمذيد من كلمات الاغانى تقدر تدخل قسم كلمات الاغانى على منتديات سنيبر دوت كوم
من هنـأ‘إ ~~~> كلمات الاغانى


اول ماعينيا اتفتحت لقيت الكون كله ظلام
واللي عايز يكسب فيه لازم يعيش م الحرام
بلدى خيرها مش ليها احنا خدامين النظام
اه يابلادى مش هقدر اعيش فيكى ولا يوم تانى
كتموا صوتى ومصوا دمي وسرقوا كل احلامى
دم فاسد للغلابه ومصايب المستشفيات
حتى اللقمه مش لاقيينها وزوروا الانتخابات
التعذيب ف الاقسام والسجون مليانه اموات
اى حد يقول حقيقه يبقى خارج ع القانون
واللى يقول لأ للنظام اعلامهم خلاه مجنون
ف البدايه شوفنا تونس كلنا بيها مبهورين
امتى الدور يجي علينا شعبنا نايم من سنين
لازم نقضى ع الفساد وهننزل 25
كان احساس ميتوصفش واحنا واقفين ف الميدان
كـــتـــفــــي ف كــــتــــف اخـــــويــا واخـــتـــي بينهم حاسس بالامان
قامت ثوره التحرير ف يوم جمعه الغضب
فاكرين كوبرى قصر النيل شيخ بيصلى واتضرب
مهما ضربتوا بالرصاص مهما نشن القناص
جيش الحق والخلاص فاتح صدره عايز الموت
حرب بين الخير والشر وخلاص مفيش سكوت
فاكرين وسط الاشتباكات قطعوا كل الاتصالات
ولعنا المدرعات بالشماريخ والباراشوتات
راح الحاكم للسجان قاله اضرب ف المليان
امن الدوله تشهد ع كل خايف فيكوا
فرمتوا كل المستندات اللى قدامنا تعريكوا
للحريه فتحنا الباب وكسرنا كل القيود
واتنحى ابن الكلاب لعساكره فسابوا الحدود
قولنا ديا نهايه الشر والظلم خلاص مش هيعود
كدبه وعيشنا فيها والشيطان لسه بينا
شالوا كلب وجابوا ابليس جاي عشان يموتنا
6 عقود مالزمان والعسكرى طلع الشيطان
نهب وذل واستبداد زاد البطش والطغيان
دور ع الحقيقه وانت هتلاقيها ع الحيطان
المعتقلات والسجون فتحت تانى من جديد
رجعوا يتقلوا ف الاحرار وف ايديهم حطوا الحديد
اللى باعونا ف الميدان اشهد يامحمد محمود
وقناصين العيون لاجل بلادى الضلمه تهون
كشف العذريه وكمان البنت اتعرت مالجنود
دم الشهدا ف المزاد دى ريحتكم بدأت تفوح
ماتخافيش ياام الشهيد حق اخويا مش هيروح
ااه يابلادى دمي نهر يرجع ليكى الحياه
والثوره مستمره فكره تطارد الطغاه
النضال هو عقيدتى هو ده طوق النجاه
انا صوت الحق العالى اللى مايعرف يوم خضوع
علم الحريه مرفوع والظلم ف وطنى ممنوع